Hasiera » Berriak

Berriak

2014/01/30
facebook twitter  rss
Iñigo Urkullu lehendakariak azpimarratu ditu Eusko Jaurlaritzak LOMCE-ari buruz dituen mesfidantzak eta adierazi du ez dagoela ados ez edukiarekin ezta legearen aplikazioarekin ere. Iñigo Urkulluk salatu du Lege hau “behar adinako adostasunik gabe” jaio zela eta orain “presaka eta inprobisasioz inposatu” nahi dutela. Zentzu honetan, lehendakariak ziurtatu du Jaurlaritzak “adostasunean oinarritutako” euskal hezkuntza eredua defendituko duela eta ez duela onartuko inprobisasio horrek irakaskuntzaren kaltean joatea. Gainera, arauaren egutegiak berak, bideraezina egiten du Legearen betetzea hurrengo ikasturterako, gehitu du lehendakariak. Eusko Jaurlaritzarentzat adostasunean oinarritzen den hezkuntza eredua “estrategikoa da”, izan ere aurrekontuen lau eurotik bat gai honetara biderazen dela gogorarazi du Iñigo Urkulluk.
Lehendakariak salatu du LOMCE-a “presaka eta inprobisasioz” inposatu nahi izatea

Iñigo Urkullu lehendakariak, Cristina Uriarte Hezkuntza, Hizkuntza Politika eta Kultura sailburuarekin batera, Donostiako Peñaflorida Institutua bisitatu du. Eusko Jaurlaritzak 6,7 milioi inbertitu ditu centro honen instalazioen hobekuntzan. IES Usandizaga-Peñaflorida-Amara bigarren hezkuntzako EAEko institutu publikorik handiena da ikasle kopuruari begiratuz gero (1.600 ikasle ditu guztira). Bi egoitza ditu, alde batetik, Peñafloridakoan 754 ikasle 32 ikasgeletan banatzen dira; aldiz, Usandizaga eraikinean, batxilergoko ikasleak daude. Gaur lehendakariak bisituatu duen Peñafloridako eraikina 2013ko irailean zabaldu zituen ateak.

Idatzi ohar bat

Pribatutasun politika

EAJ alderdiak formulario honen bidez sartutako datu guztien segurtasuna eta konfidentzialtasuna bermatzen du eta hori guztiori, Datuen Babesari buruzko 15/1999 Lege Organikoaren arabera.Nahi izanez gero, Legean agertzen den sarbide, zuzenketa eta deusestapen eskubideak erabil ditzakezu, mezu bat hona zuzenduz: internet@eaj-pnv.eu